Նյութը՝ Հասմիկ Գյոզալյանի
Լուսանկարները՝ համացանցից
Տեղադրվել է 22-06-2019
Լիարժեք քունը՝ առողջության նախապայման. օգտակար խորհուրդներ
Գաղտնիք չէ, որ առողջ և լիարժեք քունը մարդու առողջության գլխավոր նախապայմաններից մեկն է:
Ներկայացնում ենք մի քանի պարզ կանոններ, որոնց հետևելու պարագայում հնարավոր կլինի առողջ քուն ապահովել: Եվ այսպես. 

Քնի Ժամանակացույց
 
Առողջ քուն ապահովելու առաջին պայմաններից մեկը քնի ռեժիմը կարգավորելն է: Անհրաժեշտ է ամեն օր (նաև հանգստյան օրերին) քնել և արթնանալ միևնույն ժամին: Երբ խախտվում է քնի ժամանակացույցը, խախտվում են նաև օրգանիզմի կենսառիթմերը: 

Քնի տևողություն

Չափահաս մարդու համար առողջ քնի միջին տևողությունը ընդունված է համարել 6-8 ժամը: Սակայն պետք է նկատի ունենալ, որ առողջ քունը չընդհատվող քունն է: 

Անհրաժեշտ է՝
Քնելուց առնվազն մեկ ժամ առաջ դադարեցնել ֆիզիկական ակտիվ գործողությունները, որպեսզի օրգանիզմը պատրաստ լինի քնելուն: 
Հրաժարվել ցերեկային քնից՝ գիշերը առողջ ու երկարատև քուն ապահովելու համար:  
Ննջասենյակում համապատասխան միջավայր ապահովել՝ բացառելով այնտեղ  հեռուստացույցի և համակարգչի գոյությունը:  Ներքնակը, բարձը հարմարավետ լինելուց զատ պետք է համապատասխանեն օրթոպեդիկ նորմերին: 
Քնելուց առաջ զբոսնել: 
Կարգավորել նաև սնվելու ժամանակացույցը. խորհրուդ է տրվում սնվել քնից առնվազն 2 ժամ առաջ:  Ի դեպ, ծխախոտը, սուրճը, ալկոհոլը ևս  խոչընդոտում են առողջ և երկարատև  քնին: 

Քնի պակասը և դրա հետևանքները

Մասնագետները պնդում են, որ տևական ժամանակ քնի պակասը և դրա տևողության խանգարումները կարող են հանգեցնել. 
Իմունիտետի անկման
Աշխատունակության, հիշողության անկման
Սիրտ-անոթային համակարգի հիվանդությունների զարգացման
Հաճախակի գլխացավերի
Ճարպակալման
Օրգանիզմում սթրեսի հորմոնի՝  կորտիզոլի մակարդակի բարձրացման
 
Երակարտև քունը նույնպես օգտակար չէ

Պարզվում է՝  չափազանց երկարատև քունը՝ մինչև  10–15 ժամ տևողությամբ, նույնքան վնասակար է, որքան քնի պակասը: Այդ դեպքում ևս խախտվում են օրգանզիմի կենսաբանական ռիթմերը, փոխվում է օրգանիզմում հորմոնների մակարդակը, նկատվում է աշխատունակության անկում, ինչն, ի վերջո,  կարող է հանգեցնել ընկճախտի։